მსოფლიო

აშშ მხარს უჭერს ნატოს 2008 წლის ბუქარესტის სამიტზე მიღებულ გადაწყვეტილებას, რომ საქართველო ალიანსის წევრი გახდება - ჰიზერ ნაუერტი

აშშ-ის სახელმწიფო დეპარტამენტის წარმომადგენელი ჰიზერ ნაუერტი ევროპისა და ევრაზიის საკითხებში სახელმწიფო მდივნის თანაშემწის, უეს მიტჩელის საქართველოში ვიზიტს გამოეხმაურა.

ნაუერტმა განაცხადა, რომ 29 აპრილიდან 1 მაისის ჩათვლით მიტჩელი ქართველ მაღალჩინოსნებს შეხვდა და ესაუბრა მათ მყარ ორმხრივ ურთიერთობებსა და საქართველოს დემოკრატიულ და ეკონომიკურ რეფორმებზე.

ნაუერტის თქმით, მიტჩელმა შეხვედრებზე კვლავ დაადასტურა, რომ აშშ მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. გარდა ამისა, აშშ მხარს უჭერს ნატოს 2008 წლის ბუქარესტის სამიტზე მიღებულ გადაწყვეტილებას, რომლის მიხედვით საქართველო ჩრდილოატლანტიკური ალიანსის წევრი გახდება.

აშშ-ის სახელწმიფო დეპრატამენტის წარმომადგენელმა აღნიშნა, რომ მიტჩელმა მოინახულა ოკუპირებულ რეგიონებთან არსებული ადმინისტრაციული საზღვარი, სადაც „2008 წლის ცეცხლის შეწყვეტის შეთანხმების დარღვევით, ამჟამად რუსული შეიარაღებული ძალების იმყოფებიან“.