მსოფლიო

აშშ-მ ირანში 6 პირსა და 3 კომპანიას სანქციები დაუწესა

აშშ-მ ირანში ექვს პირსა და სამ კომპანიას ქვეყნის ელიტარულ სამხედრო ძალებთან (მათ შორის, ირანის რევოლუციონერ გუშაგთა კორპუსთან) კავშირის გამო სანქციები დაუწესა.

აშშ-ის სახაზინო დეპარტამენტის მდივნის, სტივენ მნუჩინის თქმით, სანქციები გამიზნულია იმათზე, ვინც ურიცხავდა მილიონობით დოლარს მსგავს ჯგუფებს.

აშშ-ის სახაზინო დეპარტამენტმა ირანის ცენტრალური ბანკი ირანის რევოლუციონერ გუშაგთა კორპუსის დაფინანსებაში დაადანაშაულა.

სახაზინო დეპარტამენტის თქმით, ექვსივე პირი ირანელია.

8 მაისს აშშ-ის პრეზიდენტმა დონალდ ტრამპმა განაცხადა, რომ გადის ირანთან გაფორმებული ბირთვული შეთანხმებიდან.

2015 წლის ბირთვული შეთანხმება შედგა ირანს, აშშ-ს, ჩინეთს, რუსეთს, გერმანიას, საფრანგეთისა და დიდ ბრიტანეთს შორის. ეს დოკუმენტი გულისხმობს თეირანის მიერ ბირთვული იარაღის შექმნაზე უარის თქმას, ამის სანაცვლოდ კი ირანს მოუხსნეს ეკონომიკური სანქციები, მათ შორის ნავთობის საერთაშორისო გაყიდვაზე.