მსოფლიო

აშშ-ის სენატმა ბოლო დროის ყველაზე მასშტაბურ საგადასახადო რეფორმას დაუჭირა მხარი

აშშ-ის სენატორებმა 51 ხმით 49-ის წინააღმდეგ ბოლო 30 წლის განმავლობაში ყველაზე მასშტაბურ საგადასახადო რეფორმას დაუჭირეს მხარი.

დოკუმენტის მიხედვით, ამერიკული კორპორაციებისთვის საშემოსავლო გადასახადი 35-დან 20 %-მდე მცირდება, რასაც დემოკრატების აღშფოთება გამოიწვია. მათი თქმით, ეს კანონპროექტი მხოლოდ დიდი ბიზნესის სასარგებლოდ იმუშავებს. სენატორმა ჩაკ შუმერმა კენჭისყრის შემდეგ უთხრა თავის ოპონენტებს, რომ რესპუბლიკელები „მოიმკიან“ ამ კანონპროექტის შედეგებს 2019 წლის შუალედურ არჩევნებზე.

აშშ-ის პრეზიდენტმა დონალდ ტრამპმა მიულოცა რესპუბლიკელებს, რომ „ერთი ნაბიჯით მიუახლოვეს აშშ იმისკენ, რომ მშრომელი ოჯახების გადასახადები საგრძნობლად შემცირდეს“.

კანონპროექტის საკუთარი ვარიანტი უკვე დამტკიცებული აქვს წარმომადგენელთა პალატას, რის გამოც ახლა კონგრესში კონსულტაციები უნდა დაიწყოს.

ორივე პალატამ დონალდ ტრამპს ხელმოსაწერად დოკუმენტის საერთო ვერსია უნდა გადაუგზავნოს.

აღნიშნული რეფორმის განხორციელება ტრამპის პირველი მასშტაბური „გამარჯვება“ იქნება.

ანა მებურიშვილი