მსოფლიო

აშშ-ის პრეზიდენტის მრჩეველი ნაციონალური უსაფრთხოების საკითხში რუსეთისთვის ინფორმაციის მიწოდების ბრალდების გამო გადადგა

ამერიკის შეერთებული შტატების პრეზიდენტის მრჩეველი ნაციონალური უსაფრთხოების საკითხში მაიკლ ფლინი გადადგა. მან ბოდიში მოუხადა დონალდ ტრამპს და აღიარა, რომ არასრულ ინფორმაციას აწვდიდა რუს ელჩთან სერგეი კისლიაკთან კონტაქტის შესახებ.

უცხოური მედიის ინფორმაციით, ბოლო სატელეფონო საუბარი ფლინსა და კისლიაკს შორის 29 დეკემბერს შედგა. ყოფილი გენერალი უარყოფდა, რომ რუს ელჩთან განიხილავდა ამერიკის მიერ რუსეთისთვის დაწესებულ სანქციებს ყირიმის ანექსიის, უკრაინის აღმოსავლეთით დაწყებული შეიარაღებული კონფლიქტისა და ამერიკულ პოლიტიკურ ინსტიტუტებზე მომხდარ ჰაკერული თავდასხმების გამო. ამის მიუხედავად, ამერიკული სამთავრობო ადმინისტრაციის 9 ყოფილმა და ახლანდელმა წევრმა განუცხადეს გაზეთ Washington Post-ს, რომ კისლიაკისა და ფლინის საუბარში სანქციების თემა იყო წამოწეული. Washington Post-ის რესპოდენტების თქმით, ფლინსა და რუსი ელჩს შორის მოლაპარაკებები 8 ნოემბრის ამერიკის საპრეზიდენტო არჩევნების ჩატარებამდე დაიწყო.

ფლინს თანამდებობაზე გენერალი ჯოზეფ კელოგი შეცვლის.

ანა მებურიშვილი