მსოფლიო

აშშ-ის მიერ უკრაინისათვის შეიარაღების მიწოდება საშიშროებას წარმოადგენს - გრიგორი კარასინი

რუსეთის საგარეო საქმეთა მინისტრის მოადგილის გრიგორი კარასინის განცხადებით, ამერიკის გადაწყვეტილება, უკრაინისთვის შეიარაღების მიწოდების შესახებ, საშიშროების შემცვლელია.

„ამ ეტაპზე ნებისმეირი შეირაღების მიწოდება, ხაზს უსვამს იმას,რომ ისინი შეიარაღების მიწოდების რაღაცა ახალ არხებს ხსნიან, რაც აქეზებს, პირველ რიგში, კიევის საომარ განწყობებს და ძალისმიერი სცენარისკენ უბიძგებს. ამაში მდგომარეობს საშიშროება“,-აღნიშნა კარასინმა.

გამოცემა Associated Press ამერიკელ ჩინოვნიკებზე დაყრდნობით წერს, რომ დონალდ ტრამპის ადმინისტრაციამ უკრაინასთვის“ლეტალური იარაღის“ მიწოდების გეგმა მოიწონა, რომელშიც ტანკსაწინააღმდეგო რაკეტები Javelin-ები შედის.

ამასთან, როგორც სახელმწიფო დეპარტამენტის წარმომადგენელმა ხეზერ ნაუერტმა განაცხადა, ვაშინგტონის მიერ მიღებული გადაყწვეტილება უკავშირდება იმას, რომ უკრაინამ საკუთარი ტერიტორიული მთლიანობისა და სუვერენიტეტის დაცვა შეძლოს.

მონიკა დავლიანიძე