მსოფლიო

აშშ-ის და მისი მოკავშირეების მოქმედებები უპასუხოდ არ დარჩება - ანატოლი ანტონოვი

აშშ-ი რუსეთის ელჩის ანატოლი ანტონოვის განცხადებით, სირიაში აშშ-ის და მისი მოკავშირეების მოქმედებები უპასუხოდ არ დარჩება.

“ჩვენი ყველაზე ცუდი მოლოდინები გამართლდა. ჩვენი გაფრთხილება არ შეისმინეს. წინასწარ დაგეგმილი სცენარი ხორციელდება. ჩვენ ვაფრთხილებდით, რომ ასეთი მოქმედებები შედეგების გარეშე არ ჩაივლის. მთელი პასუხისმგებლობა ვაშინგტონს, ლონდონს და პარიზს ეკისრება. აშშ-ს, როგორც ყველაზე დიდი ქიმიური არსენალის მქონე ქვეყანას, უფლება არ აქვს დაადანაშაულოს სხვა ქვეყნები“, - ნათქვამია რუსი დიპლომატის განცხადებაში, რომელიც სოციალურ ქსელში გავრცელდა.

შეგახსენებთ, რომ აშშ-ს პრეზიდენტმა დონალდ ტრამპმა შეიარაღბულ ძალებს იმ ობიექტებზე წერტილოვანი დარტყმების განხორცილება უბრძანა, რომლებიც სირიელი დიქტატორის, ბაშარ ასადის ქიმიურ შეიარაღებას შეიძლება უკავშირდებოდეს.

საჰაერო იერიშის დასრულების შემდეგ, აშშ-ის თავდაცვის მინისტრმა ჯეიმს მეტისმა განაცხადა, რომ დამატებით სხვა იერიშები არ იგეგმება, თუმცა არც გამორიცხულია.

ცირა გურგენიძე