მსოფლიო

აშშ ღრმად შეშფოთებულია არჩილ ტატუნაშვილის დაღუპვით - აშშ-ის სახელმწიფო დეპარტამენტი

აშშ-ის სახელმწიფო დეპარტამენტმა შეშფოთება გამოთქვა ოკუპირებული ცხინვალის რეგიონში არჩილ ტატუნაშვილის დაღუპვით. ამის შესახებ უწყების პრესსპიკერმა ჰიზერ ნოიერტმა განაცხადა.

„აშშ ღრმად შეშფოთებულია საქართველოს მოქალაქის, არჩილ ტატუნაშვილის სიკვდილით რუსეთის მიერ ოკუპირებულ საქართველოს ტერიტორიაზე, სამხრეთ ოსეთში 22 თებერვლის დაკავების დროს. ვუსამძიმრებთ მის ოჯახს. აშშ ასევე ღრმად შეშფოთებულია საქართველოს სხვა მოქალაქეების, ლევან ქუტაშვილისა და იოსებ პავლიაშვილის დაკავებით და მოვუწოდებთ, რომ მათ შეძლონ თავისუფლად დაბრუნება ადმინისტრაციული სასაზღვრო ხაზის გავლით. აშშ მოუწოდებს, რომ სრულად იყოს შესწავლილი ტრაგიკული შემთხვევის ყველა გამომწვევი მიზეზი და აგრძელებს ყველა მხარის გამხნევებას, რათა ისინი შეთანხმდნენ დამატებით ზომებზე ორმხრივი ნდობისა და გამჭვირვალობის გასაძლიერებლად კონფლიქტის ზონაში“, - განაცხადა ნოიერტმა.

ოკუპირებულმა ძალებმა არჩილ ტატუნაშვილი იოსებ პავლიაშვილთან და ლევან ქუტაშვილთან ერთად ახალგორსი დააკავეს 22 თებერვალს. მომდევნო დღეს ოსურმა მედიამ ინფორმაცია გაავრცელა ტატუნაშვილის გარდაცვალების შესახებ.

ანა მებურიშვილი