მსოფლიო

აშშ და რუსეთი სირიაში „ისლამური სახელმწიფოს“ საბოლოო დამარცხებამდე იბრძოლებენ - ტრამპისა და პუტინის შეთანხმება

აშშ-ის პრეზიდენტი დონალდ ტრამპი და რუსეთის პირველი პირი ვლადიმერ პუტინი შეთანხმდნენ, რომ სირიაში ტერორისტული ორგანიზაცია „ისლამური სახელმწიფოს“ საბოლოო დამარცხებამდე იბრძოლებენ.

ბიბისი კრემლზე დაყრდნობით წერს, რომ ორი ქვეყნის ლიდერი იმ დასკვნამდე მივიდა, რომ სირიის კონფლიქტი სამხედრო გზით ვერ მოგვარდება.

„პრეზიდენტები შეთანხმდნენ, რომ სირიის კონფლიქტი სამხედრო გზით ვერ მოგვარდება. მათ დაადასტურეს, რომ კონფლიქტის საბოლოო პოლიტიკური დარეგულირება უნდა გადაწყდეს ჟენევის პროცესის ფარგლებში გაეროს უსაფრთხოების საბჭოს 2254-ე რეზოლუციის შესაბამისად“, - წერია განცხადებაში.

აშშ-ისა და რუსეთის პრეზიდენტები ერთმანეთს შეხვდნენ ვიეტნამის ქალაქ დანანში ორგანიზებულ აზია-წყნარი ოკეანის ეკონომიკური თანამშრომლობის სამიტზე.

ანა მებურიშვილი