კომენტარი

ასეთი სამარცხვინო ნაბიჯი საქართველოს ისტორიაში არ ყოფილა - სერგი კაპანაძე

საპარლამენტო უმცირესობის დეპუტატის, სერგი კაპანაძის თქმით, ხელისუფლებამ ვენეციის კომისიას კონსტიტუციურ ცვლილებებთან დაკავშირებით, სხვა ვერსია გაუგზავნა და გასაკვირი არ არის, რომ კომისია იმედგაცრუებულია.

„ვენეციის კომისიას სულ სხვა ვერსია გაუგზავნეს და დასკვნა გააკეთებინეს. მთავარი მოთხოვნა, რაც ვენეციის კომისიას ჰქონდა ეს იყო დიალოგი და კონსენსუსი საზოგადოების სხვადასხვა ფენასთან, რაც ბოლომდე უგულებელყვეს. ამიტომ საუბარი იმაზე, რომ მიიღეს ევროპული კონსტიტუცია, უბრალოდ სასაცილოა. ის რაც გააკეთეს მარტო, უმოკლეს ვადაში, ორ დღეში ორი მოსმენით, ასეთი სამარცხვინო ნაბიჯი საქართველოს ისტორიაში არ ყოფილა.

აქედან გამომდინარე, რა თქმა უნდა, სრულიად გასაკვირი არ არის, ის რომ ვენეციის კომისია იმედგაცრუებულია. ერთ მხარეს არის „ქართული ოცნება“, მეორე მხარეს ყველა დანარჩენი და ახლა უკვე ვენეციის კომისიაც“, - განაცხადა სერგი კაპანაძემ.

ნინო ექვთიმიშვილი