კომენტარი

არც ერთ ვარიანტში მე არ დავუშვებ, რომ რუსთავი2-ზე ცენზურა იყოს - დავით დვალი

ტელეკომპანია რუსთავი2-ის ერთ-ერთი დამფუძნებლის დავით დვალის განცხადებით, ის რუსთავი2-ში ცენზორად არ დაბრუნდება და არ დაუშვებს, რომ ტელეკომპანიაში ცენზურა დამკვიდრდეს.

როგორც დვალამ გადაცემა „რეალურ სივრცეში“ აღნიშნა, თუ მოხდა ისე, რომ რუსთავი2-ში სიტყვის თავისუფლება შეიზუღდა, ის ჩათვლის რომ არხი ისევ ვიღაცის მიერ არის მითვისებული და არ ენდომება ასეთ არხში წილის ფლობა და კვლავ იბრძოლებს.

გარდა ამისა, დვალმა საზოგადოებრივ მაუწყებელზე მიმდინარე პროცესებზეც ისაუბრა და აღნიშნა, რომ რაც იქ ამჟამად ხდება მასში შეშფოთებას იწვევს.

„მე ვიზიარებ იმ შეშფოთებას. ტელესივცრეში რაღაცა ისე არ ხდება, ისე არ მიდის ყველაფერი. ჩემთვის ბოლო ზარი იყო საზოგადოებრივ მაუწყებელზე მიმდინარე პროცესები. მე ძალიან შეშფოთებული ვარ იმით რაც აქ ხდება. ახალი მენეჯმენტს, ვისაც ვიცნობ, ძალიან დიდ პატივს ვცემ.

ძალიან დიდ გაკვირვებას იწვევს ეს ყველაფერი. ფაქტიურად რამდენიმე ვერსია, კომპრომისული ვარიანტები დადეს და ყველგან თეთრი ძაფით ნაკერივით ჩანს, რომ იხურება ყველა ის გადაცემები, რომლებიც ძალიან მნიშვნელოვანია რომ იყოს ეთერში. ეს შემაშფოთებელია. ამ ფონზე არის კითხვები, რამაც ოპონენტებს ძალიან სერიოზული სალაპარაკო მისცა, რომ ამას კამპანიის ხასიათი აქვს და რუსთავი2 მათ შორის, ერთ-ერთი მსხვერპლია. ,-აღნიშნა დვალმა.

მონიკა დავლიანიძე