კომენტარი

არჩევნებში დამაჯერებელი გამარჯვება მოიპოვა ფულმა და ძალაუფლებამ - დავით უსუფაშვილი

„შენების მოძრაობის“ ლიდერის, დავით უსუფაშვილის შეფასებით, ადგილობრივი თვითმმართველობის არჩევნებში ფულმა და ძალაუფლებამ დამაჯერებელი გამარჯვება მოიპოვა, თავისუფლება და თვითმმართველობა კი, დამარცხდა.

ამის შესახებ უსუფაშვილმა ფრიდრიხ ნაუმანის ფონდში ისაუბრა.

„ჩვენ მივიღეთ ფორმით არჩევითი, მაგრამ შინაარსით დანიშნული მერი. არადა არჩევნებს მაშინ აქვს აზრი, როდესაც მართლა თავისუფალი გზით ხდება თვითმმართველობის ხელმძღვანელი პირების გამოვლენა.

2020 წლისთვის „შენების მოძრაობაც“ და ბევრი სხვა პოლიტიკური ძალაც გაცილებით უკეთ იქნება მომზადებული იმ პრობლემებთან გასამკლავებლად, რაც ამ არჩევნებზე ვნახეთ და ქვეყანა საბოლოოდ წინ წავა. უბრალოდ, ჩვენ ვკარგავთ ბევრ დროს, ბევრ რესურსს, რაც მთავარია ვკარგავთ მოსახლეობის იმედსა და ნდობას დემოკრატიული ინსტიტუტებისადმი.

თავად „შენების მოძრაობისთვის” ეს იყო პირველი პოლიტიკური აქტიური ნაბიჯები, ჩვენი შედეგები დამაკმაყოფილებელია. ჩვენ 17 მუნიციპალიტეტში ვმონაწილეობდით და აქედან 8-ში მოვიპოვეთ წარმატება და გვეყოლება საკრებულოს წევრები“, - განაცხადა დავით უსუფაშვილმა.

მონიკა დავლიანიძე