კომენტარი

არანაირი არც ინტერესი და არც შემოსავალი ბიზნესიდან საქართველოს ფარგლებს გარეთ არ მაქვს - გიორგი გახარია

ეკონომიკისა და მდგრადი განვითარების მინისტრი გიორგი გახარია რუსეთში მისი ბიზნესინტერესების შესახებ გავრცელებულ ინფორმაციას გამოეხმაურა.

როგორც მინისტრმა აღნიშნა, მას დღეის მდგომარეობით, არ აქვს არანაირი არც ინტერესი და არც შემოსავალი ბიზნესიდან საქართველოს ფარგლებს გარეთ.

„ვინც ეს სიუჟეტი მოამზადა, ცოტა უფრო კვალიფიციური ან კეთილსინდისიერი რომ ყოფილიყო, ამ ყველაფერთან ერთად აჩვენებდა იმას, რომ 2012 წლის შემდეგ ეს კომპანია ქაღალდზეც არ არსებობს, ფაქტობრივად, ვირტუალურია. დღეის მდგომარეობით მე, გიორგი გახარიას, არ მაქვს არანაირი არც ინტერესი და არც შემოსავალი ბიზნესიდან საქართველოს ფარგლებს გარეთ, უფრო მეტიც, არ მაქვს და არასდროს არ მქონია საქართველოში არანაირ ბიზნესში მონაწილეობა, თანამონაწილეობა, ან რაიმე სახის შემოსავალი. ეს ყველაფერი გადამოწმებადია. ეს ყველაფერი გაკეთებული იყო იმისთვის, რომ მკვდარი, ვირტუალური კომპანია დაეკავშირებინათ რაღაცასთან, აქტივობებთან, დადგმული იყო დრამატურგია. ეს არის და ეს“,-განმარტა გახარიამ.

მონიკა დავლიანიძე