კომენტარი

არ შეიძლება შეჩერების ან დახურვის საფრთხე დაემუქროს მედიაშუალებას წინასაარჩევნო პროცესში - გიორგი ვაშაძე

გაერთიანებული ოპოზიციის „ძალა ერთობაშია“ საარჩევნო შტაბის ხელმძღვანელი გიორგი ვაშაძე ტელეკომპანია ,,იბერიას“ გარშემო განვითარებულ მოვლენებს ეხმაურება და შექმნილ ვითარება წინასაარჩევნო პერიოდს უკავშირებს.

როგორც ვაშაძე ამბობს, ,,ქართული ოცნებისთვის“ ჩვეულია მედიაზე შეტევა და ამის ნათელი მაგალითია ტელეკომპანია ,,იბერია.“

,,რა თქმა უნდა, წინასაარჩევნო პროცესში განსაკუთრებით დაუშვებელია მსგავსი რამ, იმიტომ, რომ თავისუფალი სიტყვის გამოთქმა სწორედ მედიასაშუალებით ხდება. არ შეიძლება შეჩერების ან დახურვის საფრთხეც კი დაემუქროს მედიაშუალებას.

როცა ჩვენ ვსაუბრობთ საარჩევნო გარემოზე, ის შედგება ძალიან ბევრი საკითხისგან და მათ შორის მედიაკომპონენტისგან, თუ რამდენად თავისუფალია და რამდენად წნეხისგან დაცულია სახელმწიფოს მხრიდან და ჩვენ ტელეკომპანია ,,იბერიას“ მუშაობას მაქსიმალურად შევუწყობთ ხელს და დავიცავთ სიტყვის თავისუფლებას ქვეყანაში“, - აცხადებს გიორგი ვაშაძე.