კომენტარი

არ მაქვს არანაირი არც ინტერესი და არც შემოსავალი ბიზნესიდან საქართველოს ფარგლებს გარეთ - გიორგი გახარია

დღეის მდგომარეობით, მე, გიორგი გახარიას, არ მაქვს არანაირი არც ინტერესი და არც შემოსავალი ბიზნესიდან საქართველოს ფარგლებს გარეთ, - განუცხადა ჟურნალისტებს ეკონომიკისა და მდგრადი განვითარების მინისტრმა, გიორგი გახარიამ რუსეთში მისი ბიზნეს ინტერესების შესახებ გავრცელებული ინფორმაციის კომენტირებისას.

„ვინც ეს სიუჟეტი მოამზადა, ცოტა უფრო კვალიფიციური ან კეთილსინდისიერი რომ ყოფილიყო, ამ ყველაფერთან ერთად აჩვენებდა იმას, რომ 2012 წლის შემდეგ ეს კომპანია ქაღალდზეც არ არსებობს, ფაქტობრივად, ვირტუალურია.

დღეის მდგომარეობით მე, გიორგი გახარიას, არ მაქვს არანაირი არც ინტერესი და არც შემოსავალი ბიზნესიდან საქართველოს ფარგლებს გარეთ. უფრო მეტიც, არ მაქვს და არასდროს არ მქონია საქართველოში არანაირ ბიზნესში მონაწილეობა, თანამონაწილეობა, ან რაიმე სახის შემოსავალი. ეს ყველაფერი გადამოწმებადია. ეს ყველაფერი გაკეთებული იყო იმისთვის, რომ მკვდარი, ვირტუალური კომპანია დაეკავშირებინათ რაღაცასთან, აქტივობებთან, დადგმული იყო დრამატურგია. ეს არის და ეს“, - განაცხადა გახარიამ.