კომენტარი

არ დაგვავიწყდეს, რომ ივანიშვილმა „დემოკრატიულ მოძრაობას“ მისთვის სასურველი ოპოზიცია უწოდა - ირაკლი კიკნაველიძე

„ევროპული საქართველოს“ პოლიტიკური საბჭოს წევრი ირკალი კიკნაველიძე, კახა კუკავას მიერ დღეს გაკეთებულ განცხადებას გამოეხმაურა, რომლის მიხედვით, ხელისუფლება „ევროპულ საქართველოს“ სასათბურე პირობებს უქმნის.

კიკნაველიძის თქმით, „ხელისუფლების იდეოლოგიური პარტიისგან ამ ტიპის განცხადების მოსმენა-სასაცილოა“.

„ჩვენ ვხედავთ, ბოლო წლების განმავლობაში, რომ ხელისუფლება პირდაპირ აფინანსებს და ეხმარება პრორუსულ პარტიებს, როგორსაც მაგალითად კუკავა წარმოადგენს. ისიც არ უნდა დაგვავიწყდეს, რომ დღეს, ბატონი კუკავა არის იმ ჯგუფის მერობის კანდიდატი, რომელსაც ღიად, ყოველგვარი დამალვების გარეშე ბიძინა ივანიშვილმა მისთვის სასურველი ოპოზიცია უწოდა. შესაბამისად, ეს ბრალდებები დღეს უბრალოდ სასაცილოა“,-აღნიშნა კიკნაველიძემ.

მონიკა დავლიანიძე