კომენტარი

აქციზის გადასახადების ზრდით ბიუჯეტში დამატებით აპირებენ 600 მილიონი ლარის მობილიზებას - ირაკლი ყიფიანი

ექსპერტი ეკონომიკის საკითხებში, ირაკლი ყიფიანი მთავრობას აქციზის გადასახადის ზრდის გადაწყვეტილების გამო აკრიტიკებს და ამბობს, რომ აღნიშნულით ხელისუფლება ბიუჯეტში დამატებით 600 მილიონი ლარის მობილიზებას გეგმავს.

,,აქციზის გადასახადების ზრდით ბიუჯეტში დამატებით აპირებენ 600 მილიონი ლარის მობილიზებას. მთავრობა ამბობს, რომ ეს რეფორმა ჩვენ გვჭირდებოდა სწორედ იმ მოტივაციით, რომ ვუფრთხილდებით გარემოს, არის მეტი გამონაბოლქვი და ვუფრთხილდებით ადამიანის ჯანმრთელობას, რომ ნაკლები თამბაქო მოწიონო, მაგრამ ეს არ არის რეალური. მთავარი მოტივაცია არის რომ ბიუჯეტში შესულიყო მეტი თანხა.

რეალურად ჩვენ შეგვეძლო ბიუროკრატიული ხარჯები შეგვემცირებინა მნიშვნელოვნად და მოსახლეობას აღარ მოუწევდა გაძვირებული საწვავის ყიდვა და აქციზის შედეგად გაძვირებული იმ პროდუქტების ყიდვა, რომელსაც შეეხება აქციზის გადასახადების ზრდა’’, - აცხადებს ირაკლი ყიფიანი.

ნინო ექვთიმიშვილი