მსოფლიო

აქტივისტები დონალდ ტრამპის ინაუგურაციის ჩაშლას გეგმავენ

ათასობით დემონსტრანტი გეგმავს, რომ 20 იანვარს ვაშინგტონში დონალდ ტრამპის ინაუგურაციის ცერემონია ჩაშალოს.

ტრამპის მოწინააღმდეგეები, რომელთა რიცხვში ჯგუფი DisruptJ20 და Black Lives Matter არიან, ყველა 12 პუნქტის ბლოკირებას შეეცდება, რომელიც კაპიტოლიუმთან ინაუგურაციის ცერემონიისთვის იქნება გამოყენებული.

გარდა ამისა, მათ სურთ გზების ბლოკირებისა და დემონსტრაციების მეშვეობით ტრადიცული საინაუგურაციო ბანკეტის ჩაშლაც.

„გვსურს აჯანყების ნახვა, რომელიც ამ ქალაქში დაიწყება და მთელს ქვეყანას მოედება“,-განუცხადა Reuters აქციის ორგანიზატორმა დევიდ ტერნსტონმა.

საერთო ჯამში, ინაუგურაციის დღეს, სხვადასხვა სახის აქციების გასამართავად ნებართვა 27-მა საინიციატივო ჯგუფმა მოიპოვა.

სააგენტო აღნიშნავს, რომ ეს ოთხჯერ მეტია, ვიდრე სხვა ინაუგურაციების დროს იყო.

მოსალოდნელია, რომ ამერიკის პრეზიდენტის ინაუგურაციას 800 ათასი მაყურებელი ეყოლება. მათ უსაფრთხოებას 15 ათასზე მეტი ძალოვანი უზრუნველყოფს.

მონიკა დავლიანიძე