მსოფლიო

ანგელა მერკელი თვითმფრინავზე გამოვლენილი ტექნიკური პრობლემების გამო „დიდი ოცეულის“ სამიტის პირველ დღეს გამოტოვებს

გერმანიის კანცლერ ანგელა მერკელის თვითმფრინავი „კონრად ადენაუერი“, რომელიც ბერლინიდან ბუენოს აირესში, მიფრინავდა, აფრენიდან 1 საათის შემდეგ, ნიდერლანდები საჰაერო სივრცეში მოულოდნელად შემობრუნდა და კიოლნში იძულებითი დაჯდომა განახორციელა. კანცლერი არგენტინაში G20-ის სამიტზე დასასწრებად მიფრინავდა.

"ლიუფტვაფეს" ხელმძღვანელობის განცხადებით, იძულებითი დაშვების განხორციელების მიზეზი თვითმფრინავის რამდენიმე სისტემის, მათ შორის კავშირგაბმულობის, ერთდროული მწყობრიდან გამოსვლა იყო.

მერკელმა თავიდან ვერ გაიგო, თუ რა მიზეზით მოხდა იძულებითი დაშვება და თავიდან ეგონა, რომ გერმანიში რაიმე მძიმე ინციდენტი მოხდა.

მერკელს ახალ თვითმფრინავში გადაჯდომა მოუწევს და არგენტინაში დაგვიანებით ჩავა, რის გამოც სამიტის პირველ დღეს გამოტოვებს, მათ შორის არგენტინის პრეზიდენტთან პირისპირ შეხვედრას, რომელიც სავარაუდოდ, მოგვიანებით გაიმართება.