მსოფლიო

ანგელა მერკელი პირველობას არ თმობს - ფორბსმა სამყაროს 100 ყველაზე გავლენიანი ქალი დაასახელა

Forbes-მა 2017 წლის ყველაზე გავლენიანი ქალების რეიტინგი გამოაქვეყნა, რომელშიც ზედიზედ მეშვიდე წელია გერმანიის კანცლერი ანგელა მერკელი ლიდერობს. მეორე ადგილზეა ბრიტანეთის პრემიერ-მინისტრი ტერესა მეი მისი პოლიტიკური მიღწევებისა და ბრექსიტის პროცედურის წარმატებით გავლის გამო.

სამეულს ხურავს მილიარდერ ბილ გეითსის მეუღლე მელინდა გეითსი, რომელიც გამოირჩევა აქტიური საქველმოქმედო საქმიანობით.

ყველაზე დიდი რეგრესი განიცადა აშშ-ის ყოფილმა პრეზიდენტობის კანდიდატმა ჰილარი კლინტონმა. ის მეორე ადგილიდან 65-ზე ჩამოქვეითდა.

სიაში მოხვდა 23 ახალი სახე, მათ შორისაა აშშ-ის პრეზიდენტის, დონალდ ტრამპის ქალიშვილი ივანკა ტრამპი. მან მე-19 ადგილი დაიკავა, მაშინ როცა აშშ-ის პირველი ლედი, მელანია ტრამპი 100-ეულის მიღმა დარჩა. ფორბსი ივანკას დონალდ ტრამპის ადმინისტრაციის წამყვან ფიგურად და დე-ფაქტო პირველ ლედიდ ასახელებს.

სიაში წარმოდგენილი 100 ქალიდან 48 ამერიკელია.

ანა მებურიშვილი