კომენტარი

ამომრჩეველის აქტივობის აღრიცხვა პარტიის საორგანიზაციო საქმიანობაა და არის კანონმდებლობასთან სრულ შესაბამისობაში- „ქართული ოცნება“

„ქართული ოცნების“ საარჩევნო შტაბში მორიგი ბრიფინგი გაიმართა, სადაც ორ საკითხზე გამახვილდა ყურადღება.

როგორც არჩილ თალაკვაძემ აღნიშნა, ოპოზიციური პარტიები ცდილობენ რაც შეიძლება მეტი საჩივარი დაწერონ, რომ ამ გზით მოახდინონ ამომრჩეველზე ზეგვლენა.

რაც შეეხება საარჩევნო უბანთან ამომრჩევლის აღრიცხვის საკითხს, თალაკვაძის თქმით, ეს არის ნებისმიერი პარტიის საორგანიზაციო საკითხი, რომელიც კანონმდებლობასთან სრულ შესაბამისობაშია.

„არჩევნები მიმდინარეობს მშვიდად. მინდა ყუირადღება გავამხვილო რამდენიმე ფაქტზე. პირველი, ოპოზიციური პარტიები საკუთარ წარმომადგენლებს, როგორც ჩანს აძლევენ ასეთ ინსტრუქციას, რომ რაც შეიძლება მეტი საჩივარი დაიწეროს თითოეულ უბანზე, ამ გზით ცდილობენ, რომ ამომრჩეველთა განწყობაზე მოახდინონ რაიმე ტიპის ზეგავლენა. მსურს მოვუწოდო ჩვენს თითოეულ წევრს, მხარდამჭერს და ამომრჩეველს, რომ მიიღონ მონაწილეობა საარჩევნო პროცესში, მობრძანდნენ და დააფიქსირონ ყოველგვარი დაბრკოლების გარეშე საკუთარი არჩევანი.

ასევე მეორე საკითხი, საჯარო იყო გაკეთებული განცხადებები ამომრჩეველთა აქტივობის აღრიცხვასთან დაკავშირებით. ამაზე მსურს ცალსახად განვაცხადო, რომ ეს არის ნებისმიერი პოლიტიკური პარტიის საორგანიზაციო საქმიანობა, სიები არის ღია და ნებისმიერ აქტივისტს, მსურველს შეუძლია, რომ აღრიცხვა გარეთ თუ შიგნით აწარმოოს საკუთარი სურვილის მიხედვით. ეს კეთდება საარჩევნო პროცესის მონიტორინგის მიზნით და კანონმდებლობასთან სრულ შესაბამისობაში“,-განაცხადა თალაკვაძემ.

მონიკა დავლიანიძე