მსოფლიო

ამერიკული სანქციების შედეგად რუსეთის ბიუჯეტს 3 მილიარდზე მეტი ზარალი მიადგა - აშშ-ს სახელმწიფი დეპარტამენტი

აშშ-ს სახელმწიფო დეპარტამენტის ინფორმაციით, ამერიკული სანქციების შედეგად, რუსეთის ბიუჯეტს 3 მილიარდ აშშ დოლარამდე ზარალი მიადგა.

შესაბამისი განცხადება აშშ-ს სახელმწიფო დეპარტამენტის წარმომადგენელმა, ჰიზერ ნაუერტმა გააკეთა ჟურნალისტების კითხვის საპასუხოდ.

,,ჩვენ მოხარულები ვართ, რომ ზოგიერთმა ქვეყანამ შეწყვიტა ზოგიერთი რუსული პროდუქტის და სხვა რესურსების ყიდვა. ჩვენ ვვარაუდობთ, რომ ჩვენ შევაჩერეთ 3 მილიარდ დოლარზე მეტი ღირებულების შენაძენი. არსებითად, ასეთი გარიგებების ჩაშლა სასჯელს წარმოადგენს“, - განაცხადა ნაუერტმა.

მისი თქმით, ეს ყველაფერი ნიშნავს, რომ რუსეთის ბიუჯეტში ნაკლები თანხა შედის, რასაც ვაშინგტონში ,,რუსეთისთვის პასუხისმგებლობის დაკისრების“ საქმეში წარმატებად აფასებენ.

ნინო ექვთიმიშვილი