მსოფლიო

ამერიკის ლუიზიანას შტატში ქარიშხალ „ნეიტის“ მოახლოების გამო კომენდანტის საათი შემოიღეს

ამერიკის ლუიზიანას შტატის ქალაქ ახალ ორლეანში, ტროპიკული შტორმის „ნეიტის“ მოახლოების გამო, კომენდანტის საათი შემოიღეს.

ამის შესახებ ქალაქის მერმა მიტჩ ლანდრემ განაცხადა.

„მოსახლეობას მოვუწოდებ საჭირო ნივთები შეიძინონ და სახლები არ დატოვონ“,- დაწერა ქაალქის მერმა Twitter-ის პირად გვერდზე.

ამასთან, ფლორიდას, ალაბამას და ლუიზიანას შტატში საგანგებო მდოგმარეობის რეჟიმი მოქმედებს.

ამერიკის ქარიშხლებზე დაკვირვების ეროვნული ცენტრის ინფორმაციით, ტროპიკული შტორმი „ნეიტი“ ქარიშხლის დონემდე გაძლიერდა.

სინოპტიკოსების ცნობით, ქარიშხალი მდინარე მისისიპის შესართავიდან 795 კილომეტრში დაფიქსირდა და ჩრდილო-დასავლეთის მიმართულებით მიიმართება.

ქარის მაქსიმალური სიჩქარე საათში თითქმის 121 კილომეტრს აღწევს.

მონიკა დავლიანიძე