მსოფლიო

ამერიკის კონგრესმა პენტაგონს რუსეთთან თანამშრომლობა აუკრძალა

ამერიკის კონგრესის მიერ დამტკიცებული 2017 წლის თავდაცვის უწყების ბიუჯეტში, რუსეთთან თანამშრომლობისთვის საჭირო თანხების გამოყოფა აკრძალულია.

BBC-ს ინფორმაციით, თანხები მხოლოდ იმ შემთხვევაში გამოიყოფა, თუ პენტაგონი კონგრესს მიაწვდის ინფორმაციას იმის შესახებ, რომ „რუსეთმა უკრაინის ტერიტორიის ოკუპაცია და აგრესიული ქმედებები შეწყვიტა, რომელიც უკრაინისა და ჩრდილოატლანტიკური შეთანხმების წევრი ქვეყნების სუვერენიტეტსა და ტერიტორიულ მთლიანობას ემუქრება“.

დოკუმენტის თანახმად, მეორე პირობაა,უკრაინის აღმოსავლეთ ნაწილში მინსკის შეთანხმების შესაბამისად, ცეცხლის შეწყვეტა მოხდეს.

ასევე აღნიშნულია,რომ იზღუდება რუსეთთან თანამშრომლობა სხვადასხვა ტექნოლოგიურ სფეროში.

ამასთან, სარაკეტო ძრავების რუს მიმწოდებლებზე გამონაკლისის კეთდება.

ასევე, 2027 წლამდე გახანგრძლივდა აკრძალვა რუსეთთან ინფორმაციის გაცვლა რაკეტსაწინააღმდეგო თავდაცვის შესახებ, ასევე რუსეთთან და ჩინეთთან რაკეტსაწინააღმდეგო გაერთიანებული სისტემების შექმნა.

მონიკა დავლიანიძე