მსოფლიო

ალექსეი ნავალნი სახლის სადარბაზოსთან დააკავეს

მოსკოვში, ოპოზიციონერი პოლიტიკოსი ალექსეი ნავალნი, სახლის სადარბაზოსთან დააკავეს.

როგორც ნავალნის მეუღლემ, იულია ნავალნაიამ, პოლიტიკოსის Twitter-ის გვერდზე დაწერა, დაკავებით გეგმები არ იცვლება.

„გამარჯობა. მე იულია ნავალნაია ვარ. ყველას, გილოცავთ. ალექსეი სახლის სადარბაზოსთან დააკავეს. მან მთხოვა, გადმომეცა თქვენთვის, რომ გეგმები არ იცვლება: ტვერსკაია“,- დაწერა იულია ნავალნაიამ.

დღეს, მოსკოვის ცენტრში, ქალაქის ხელისუფლებასთან შეთანხმებული ოპოზიციის საპროტესტო აქცია გაიმართება, რომელიც ქვეყანაში არსებულ კორუფციას შეეხება.

თუმცა, გუშინ საღამოს, ოპოზიციონერმა ალექსეი ნავალნიმ მოუწოდა მომხრეებს, რომ ცალკე აქციის გამართვის მაგივრად, დემონსტრანტები შეუერთდნენ იმ ადამიანებს,რომლებიც მოსკოვის ცენტრში „რუსეთის დღეს“ აღნიშნავენ.

მონიკა დავლიანიძე