კომენტარი

ალექსანდრე ჯეჯელავა ,,ახალი საქართველოს’’ მოთხოვნას ,,აბსოლუტურ სისულელედ’’ აფასებს

ვიცე-პრემიერი, განათლებისა და მეცნიერების მინისტრი, ალექსანდრე ჯეჯელავა ,,ახალი საქართველოს’’ მოთხოვნას გამოეხმაურა, რომლის თანახმადაც საჯარო უწყებებში შიდა აუდიტის სამსახურები უნდა გაუქმდეს.

ჯეჯელავა აღნიშნულ ინიციატივას ,,აბსოლუტურ სისულელედ’’ აფასებს და შიდა აუდიტის სამსახურების სარგებელზე ამახვილებს ყურადღებას.

,,ეს არის აბსოლუტური სისულელე, რადგანაც ეს ხალხი არ თვლის, თუ რამდენიმე დაზოგეს აუდიტის სამსახურებმა. შესყიდვების შემოწმებაც აუდიტის სამსახურს ეხება.

მენეჯმენტში ოდნავ მაინც თუ ერკვევა ვინმე, ასეთ წინადადებას არ წამოაყენებს’’, - განაცხადა ალექსანდრე ჯეჯელავამ.

ცნობისათვის, „ახალი საქართველოს“ ანტიკორუფციული ბიუროს წარმომადგენლები, სამინისტროებსა და მერიაში შიდა აუდიტის სამსახურების გაუქმებას ითხოვენ. მათი განცხადებით, აუდიტისთვის გამოყოფილი მილიონობით დაფინანსება უშედეგოა და სამსახურები არაეფექტიანად მუშაობენ.

,,ახალი საქართველოს’’ ინფორმაციით, შიდა აუდიტის სამსახურისთვის გაცემული პრემია-დანამატის თვალსაზრისით, დედაქალაქის მერია ლიდერობს. მომდევნო კი, მათივე ცნობით, განათლების სამინისტროა.

ნინო ექვთიმიშვილი