კომენტარი

ალეკო ელისაშვილი ბიძინა ივანიშვილზე: ეროვნული ბანკის ყოფილ შენობაზე უნდა საბაგიროს ბოძის დადგმა

ამ კაცს ჰგონია, რომ ეს არის მისი ყანა და ქართული ოცნება რა თქმა უნდა კვერს უკრავს, - ამბობს თბილისის საკრებულოს დამოუკიდებელი დეპატატი, ალეკო ელისაშვილი, რომელიც თბილისის საკრებულოს დღევანდელ ხმაურიან სხდომას თავადაც ესწრებოდა.

,,ეს არის ივანიშვილის მტაცებლობა ქალაქის მიმართ. ერთი, რომ ყოველგვარი გეოლოგიური დასკვნის გარეშე, ქალაქის ცენტრში, თავისუფლების მოედანზე უნდა თავისი სასტუმროსთვის პარკინგის აშენება, თან არანაირი გეოლოგიური დასკვნა არ აქვს. მეორე, ეროვნული ბანკის ყოფილ შენობაზე უნდა საბაგიროს ბოძის დადგმა, არადა ის კულტურული მემკვიდრეობის ძეგლია. სოფელში, რომ მეზობლები ღობის გადაწევაში ეჯიბრებიან ხოლმე, ზუსტად ის არის. ამ კაცს ჰგონია, რომ ეს არის მისი ყანა და ,,ქართული ოცნება“, რა თქმა უნდა, კვერს უკრავს", - აცხადებს ელისაშვილი.

სხდომაზე პუშკინის სკვერის ქვეშ ადგილის გადაცემის საკითხზე მსჯელობენ, სადაც მიწისქვეშა ავტოსადგომი მოეწყობა. დღესვე განიხილება ბოტანიკური ბაღის ერთ ჰექტრამდე ფართობის კერძო პირისთვის გადაცემის საკითხი.