კომენტარი

აჰმეტ ჩატაევის მეუღლე შვილთან ერთად საქართველოს ტერიტორიის დატოვებას ცდილობდა - გელა მთივლიშვილი

საინფორმაციო სააგენტო „რეგინფოს“ მთავარი რედაქტორის გელა მთივლიშვილის ინფორმაციით, ჩეჩენი მებრძოლის აჰმეტ ჩატაევის მეუღლე აიანა მარგოშვილი, ანტიტერორისტულ ოპერაციამდე რამდენიმე დღით ადრე, შვილთან ერთად, საქართველოს ტერიტორიის დატოვებას ცდილობდა.

მთივლიშვილის თქმით, აიანა მარგოშვილმა ქვეყნის დატოვება ვერ შეძლო.

ამის შესახებ გელა მთივლიშვილმა „ტვ პირველის“ ეთერში განაცხადა.

„პირადად ვიცნობ აჰმეტ ჩატაევის მეუღლეს აიანა მარგოშვილს, რომელიც არის სოფელ დუისის მკვიდრი. მათ ყავთ შვილი ბიჭი, დაახლოებით 5 წლის, მაქსიმუმ 6 წლის. ჩემი ინფორმაციით, აიანა მარგოშვილს რამდენიმე დღის წინ, ვიდრე ეს სპეოპერაცია ჩატარდებოდა ქონდა საქართველოს საზღვრის გადაკვეთის მცდელობა შვილთან ერთად, თუმცა მან ეს ვერ შეძლო. ისინი ცდილობდნენ საქართველოს დატოვებას. ავღნიშნავ, რომ არ მაქვს ეს მე დაზუსტებული. უბრალოდ მაქვს ინფორმაცია. სამწუხაროდ, ამ დრომდე ინფორმაციის გადამოწმება თვითონ აიანა მარგოშვილთან ვერ შევძელი“,-აღნიშნა მთივლიშვილმა.

აღსანიშნავია, რომ აჰმეტ ჩატაევის მეუღლის ადგილსამყოფელის შესახებ სხვადასხვა ინფორმაცია ვრცელდება.

უფლედამცველ ნანა კაკაბაძის ინფორმაციით, აიანა მარგოშვილი შვილთან ერთად სირიაში იმყოფება.

კაკაბაძის ვარაუდით, აქედან გამომდინარე ნაკლებ სავარაუდოა, რომ 22 ნოემბრის სპეცოპერაციის შედეგად ერთ-ერთ ლიკვიდირებულთაგან შორის აჰმეტ ჩატაევი იყოს.

უფლედამცველის თქმით, ჩატაევი მეუღლეს სირიაში არ დატოვებდა და საქართველოში არ ჩამოვიდოდა.

მონიკა დავლიანიძე