მსოფლიო

აღნიშნული იერიში აჩვენებს, რომ სირიის რეჟიმი რუსეთთან და ირანთან ერთად ვეღარ გააგრძელებს ამ ადამიანურ ტრაგედიას - დონალდ ტუსკი

კოალიციური ძალების მიერ სირიაში განხორციელებულ იერიშს მხარი დაუჭირა ევროკავშირის საბჭოს თავმჯდომარემ დონალდ ტუსკმა. მისი თქმით, ეს ერთგვარი მინიშნებაა ბაშარ ალ-ასადისთვის და მისი რუსი და ირანელი მოკავშირეებისთვის.

„აშშ-ის, დიდი ბრიტანეთისა და საფრანგეთის მიერ განხორციელებული იერიშები ნათლად აჩვენებს, რომ სირიის რეჟიმი რუსეთთან და ირანთან ერთად ვეღარ გააგრძელებს ამ ადამიანურ ტრაგედიას. ევროკავშირი მის მოკავშირეებთან ერთად სამართლიანობის მხარეს იქნება“, - განაცხადა ტუსკმა.

აშშ-ის პრეზიდენტმა დონალდ ტრამპმა სირიაზე იერიშის მიტანის ბრძანება გასცა. დღეს გამთენიისას კოალიციურმა ძალებმა, რომლებშიც შედიან აშშ, დიდი ბრიტანეთი და საფრანგეთი, სირიაში სამიზნეებზე ავიადარტყმები განახორციელეს. მათი განმარტებით, ესაა პასუხი 7 აპრილს, ქალაქ დუმაზე განხორციელებულ იერიშზე, სადაც სავარაუდოდ ქიმიური იარაღი გამოიყენეს.