კომენტარი

აფგან მუხთარლის საქმეზე უნდა შეიქმნას საპარლამენტო კომისია, რომელიც გამოძიებას ნდობას შეუნარჩუნებს - სერგო რატიანი

„ევროპული საქართველოს“ წევრის, სერგო რატიანის განცხადებით, აზერბაიჯანელი ჟურნალისტის აფგან მუხთარლის საქმეზე, უნდა შეიქნას საპარლამენტო საგამოძიებო კომისია.

რატიანის განმარტებით, საქმის გამოძიებას მხოლოდ აღნიშნული კომისია შეძლებს, რომ შეუნარჩუნოს ნდობა, რადგან ის იქნება უფლებამოსილი, რომ ჩაატაროს გამოძიება.

„ჩვენ ვითხოვთ,რომ შეიქმნას საპარლამენტო საგამოძიებო კომისია. ევროპარლამენტმა ფაქტობრივად დაადანაშაულა საქართველოს მხარე, ხელისუფლება, რომ მან ჩაიდინა დანაშაული. თეორიულად ქვეყანაში არსებობს მხოლოდ ერთი ინსტიტუცია- ეს არის პარლამენტი, რომელიც მეტნაკლებად შეუნარჩუნებს ნდობას ამ გამოძიებას და ის იქნება უფლებამოსილი, რომ ჩაატაროს გამოძიება“,-განაცხადა რატიანმა.

მონიკა დავლიანიძე