კომენტარი

ადვოკატი ადასტურებს, რომ გერმანიაში გამგზავრების წინ დეკანოზმა მამალაძემ 30 ათასი ლარის სესხი აიღო

ე.წ. ციანიდის საქმეზე ბრალდებული დეკანოზის, გიორგი მამალაძის ადვოკატის, მიხეილ რამიშვილის აზრით, გამოძიებამ წმინდა სინოდის წევრებიც უნდა დაკითხოს.

„უნდა მოხდეს სინდოდის ბევრი წევრის დაკითხვა“, - განუცხადა ჟურნალისტებს რამიშვილმა.

მისივე თქმით, საუბარი, რომ ვინმეს დეკანოზისთვის ციანიდის შესაძენად თანხა უნდა გადმოეგზავნა, აბსურდულია.

ადვოკატის განცხადებით, გიორგი მამალაძემ მართლაც აიღო გარკვეული რაოდენობის კრედიტი, რომელიც, მისი თქმით, დეკანოზს გერმანიაში გასამგზავრებლად სჭირდებოდა, თუმცა კითხვაზე, რაში დასჭირდა დეკანოზს 30 ათასი ლარის ოდენობის თანხა გამგზავრების წინ, ადვოკატმა აღნიშნა, რომ „კრედიტის აღება დანაშაული არ არის“.

“საუბარი იმაზე, რომ ვინმეს უნდა გადმოეგზავნა ფული და შემდეგ მოხდებოდა ციანიდის შეძენა, სრული აბსურდია. ადამიანმა კრედიტი აიღო, იყო წასასვლელი თანხა, კრედიტის აღება დანაშაული არ არის”, - აღნიშნა რამიშვილმა.

ნინო ექვთიმიშვილი