კომენტარი

ადვოკატებს არ დაუყენებიათ საკითხი, რომ მერაბიშვილის დაკავება არ ეფუძნებოდა საფუძვლიან ეჭვს დანაშაულის ჩადენასთან დაკავშირებით - თეა წულუკიანი

იუსტიციის მინისტრი თეა წულუკიანი, ყოფილი პრემიერის ივანე მერაბიშვილის გადაწყვეტილებას გამოეხმაურა,რომლის მიხედვით, მერაბიშივილმა პროტესტის ნიშნად ადვოკატების დაცვაზე უარი განაცხადა.

როგორც წულუკიანმა „ტვ პირველის“ეთერში აღნიშნა, მერაბიშვილის ადგილას ადვოკატების აცილებაზე უარს გაცილებით ადრე იტყოდა, რომ პროცესი კვალიფიციურად წასულიყო.

მინისტრის განმარტებით, მერაბიშვილის ადვოკატებს სტრასბურგის სასამრთლოში არ დაუყენებიათ საკითხი, რომ მერაბიშვილის დაკავება არ ეფუძნებოდა საფუძვლიან ეჭვს დანაშაულის ჩადენასთან დაკავშირებით.

„დღეს ჩვენ ვნახეთ, რომ მერაბიშვილმა თავის ადვოკატებს აცილება მისცა. ალბათ. უკეთესი იქნებოდა მანამდე აეცილებინა ისინი, რომ დავა უფრო კვალიფიციურად წასულიყო და დრო არ დაეხარჯათ იმაზე, რომ პოლიტიკური დევნილი ვარო. სტრასბურგის სასამართლო ამბობს, რომ მომჩივანს -მ ერაბიშვილს, ანუ მის ადვოკატებს არც კი დაუყენებიათ საკითხი, რომ არ დაუყენებიათ საკითხი, რომ მერაბიშვილის დაკავება არ ეფუძნებოდა საფუძვლიან ეჭვს დანაშაულის ჩადენასთან დაკავშირებით. ეს ნამდვილად ასე იყო. და ჩვენ ეს როგორც მხარემ გამოვიყენეთ.

ალბათ ეს ადვოკატის ოთარ კახიძის ხარვეზი იყო, რომელსაც მრავალი ათასი დოლარი უნდა მიეღო სტრასბურგის სასამართლოს გადაწყვეტილების საფუძველზე თუ პირველი ინსტანცია დარჩებდა ძალაში. ჩვენ ეს გადავასაჩივრეთ.

ვნახეთ, რომ არც ერთ ადვოკატს, არც ბატონ ოთარს და არც ჩივიაშვილს, არც ბრიტანელ ძვირადღირებულ ადვოკატს, სტრასბურგის სასამართლომ უთხრა, რომ მათ სახელწმიფოსგან არანაირი თანხა არ ეკუთვნოდათ იმ დაცვითი ღონისძიებებისთვის, რაც მათ ბატონ ვანოს სასარგებლოდ განახორციელეს“,-აღნიშნა მინისტრმა.

მონიკა დავლიანიძე