კომენტარი

8%-იანი კლება, ისეთ სერიოზულ და სტრატეგიულ საკითხებში როგორიცაა ევროკავშირსა და ნატო-ში გაწევრიანება, არის შეუძლებელი - სოზარ სუბარი

8%-იანი კლება, რამდენიმე თვეში, ისეთ სერიოზულ და სტრატეგიულ საკითხებში როგორიცაა ევროკავშირსა და ნატო-ში გაწევრიანება არის შეუძლებელი და წარმოუდგენელი. მით უმეტეს, რომ დაახლოებით 10 თვის წინ ამოქმედდა უვიზო მიმოსვლა ევროკავშირთან, - განაცხადა ლტოლვილთა და განსახლების მინისტრმა, სოზარ სუბარმა NDI-ის კვლევის შედეგების კომენტირებისას.

,,მე არ გავაკეთებ NDI-ის კვლევის ცალკეულ ციფრებზე რაიმე შეფასებას. მხოლოდ ერთ რიცხვს შევაფასებ, როგორც კვლევაში წერია საშუალო ცდომილების ზღვარი არის +/- 1.9% და ამ დროს ჩვენ გამოცდილებით ვიცით, რომ ყოველი არჩევნების შედეგებსა და NDI-ის კვლევის შედეგებს შორის დაახლოებით 20%-იანი ცდომილება გვაქვს.

ევროკავშირს რამდენი ადამიანი უჭერს მხარს და ნატო-ში გაწევრიანების მოსურნე რამდენია ამას ჩვენ ვერ გადავამოწმებთ, მაგრამ ჩვენ ვამოწმებთ არჩევნებში რომელი პარტია რამდენ პროცენტს იღებს და ყოველ არჩევნებზე არის 20%-იან ცდომილებაზე მეტი. შესაბამისად, NDI-ის კვლევებს მე სრულ ნდობას გამოვუცხადებ მაშინ, როდესაც ეს 20%-იანი ცდომილება 1,9%-იან ცდომილებამდე ჩამოვა და მანამდე აღარ გავაკეთებ კომენტარებს ამ თემაზე“, - განაცხადა სოზარ სუბარმა.