მსოფლიო

8 დაღუპული, 11 დაშავებული - ტერორისტული ტერაქტი ნიუ-იორკში

ნიუ-იორკში, ქვემო მანჰეტენზე სატვირთო მანქანა ხალხს დაეჯახა. ინციდენტს 8 პირი ემსხვერპლა, 11 კი დაშავდა.

როგორც კი მძღოლი მანქანიდან გამოვიდა, პოლიციამ დაჭრა და დააკავა. ის ახლა საავადმყოფოშია გადაყვანილი. მედიის ცნობით, თავდასხმელი 29 წლის უზბეკეთის მკვიდრი საიფულო საიპოვია. ის აშშ-ში 2010 წელს ჩავიდა.

მანქანაში აღმოაჩინეს წერილია, რომელიც მიუთითებს თავდასხმელის კავშირზე ე.წ. ისლამურ სახელწმიფოსთან.

თავდასხმა უკვე შეფასდა ტერორისტულ აქტად.

მომხდარს გამოეხმაურა აშშ-ის პრეზიდენტი დონალდ ტრამპი ტვიტერის საკუთარ გვერდზე. მან საიპოვი „ავადმყოფი და არანორმალური“ უწოდა.

ტრამპმა ასევე დაწერა, რომ არ დაუშვებს ისლამური სახელმწიფოს დაბრუნებას აშშ-ში.

„ჩვენ არ უნდა დავუშვათ ისლამური სახელმწიფოს დაბრუნება ან შესვლა ჩვენს ქვეყანაში შუა აღმოსავლეთსა და სხვაგან მათი დამარცხების შემდეგ. საკმარისია“, -დაწერა ტრამპმა.

ანა მებურიშვილი