მსოფლიო

50-ზე მეტმა კონგრესმენმა ტრამპის ინაუგურაციას ბოიკოტი გამოუცხადა

დემოკრატიული პარტიის 50-ზე მეტი კონგრესმენი აშშ-ის ახლად არჩეული პრეზიდენტის დონალდ ტრამპის ინაუგურაციას ბოიკოტს უცხადებს.

ბევრი კონგრესმენი თავის გადაწყვეტილებას ხსნის დონალდ ტრამპისა და კონგრესმენ ჯონ ლიუისის კამათით. ამერიკაში ლიუისი სამოქალაქო უფლებებისთვის ცნობილია მებრძოლია.

ლიუისმა ტრამპი “არალეგიტიმური პრეზიდენტი“ უწოდა საარჩევნო კამპანიაში რუსეთის ჩარევის გამო.

ტრამპი ბრალდებებს ტვიტერის საკუთარ გვერდზე უპასუხა: “ეს ყველაფერი ლაყბობაა - არანაირი ქმედება და შედეგი“.

ბევრი კონგრესმენის აზრით, ტრამპის სიტყვები შეურაცჰმყოფელია. კოგრესმენმა მინესოტიდან ქეით ელისონმა დაადანაშაულა ტრამპი “განხეთქილებისა და ზიზღის პოლიტიკის“ გატარებაში.

ტრამპმაც შემდგომშიც გაარძელა ლიუისის გაკრიტიკება. კონგრესმენს შეეშალა, როცა თქვა, რომ 1987 წლიდან, მას შემდეგ, რაც ის კონგრესში მოხვდა, პირველად გამოტოვებს პრეზიდენტის ინაუგურაციას:

“შეცდომა ( თუ ტყუილი!)“, - დაწერა ტრამპმა ტვიტერზე და დაამატა, რომ ლიუისმა ჯორჯ ბუში-უმცროსის ინაუგურაცია გამოტოვა 2001 წელს.

კონგრესმენის წარმომადგენელის თქმით, ლიუისი მაშინაც პროტესტის ნიშნის გამო არ ესწრებოდა ცერემონიას.

ეს არ არის ინაუგურაციის მასობრივი ბოიკოტის პირველი შემთხვევა. მაგალითად, 1973 წელს დაახლოებით 80-მა კონგრესმენი არ დაესწრო რიჩარდ ნიქსონის გაპრეზიდენტების ცერემონიას.

ასევე ცნობილია, რომ ვაშინგტონში გასამართ ინაუგურაციას 800-900 ათასი ადამიანი დაესწრება. გარდიანის ინფორმაციით, ცერემონიას კლინტონების ოჯახიც დაესწრება. ჯერჯერობით უცნობია, გაიმართება თუ არა საპროტესტო აქციები.

ინაუგურაციამდე ჩატარდა 5 სხვადასხვა გამოკითხვა. CNN-ის, Gallup-ის, ABC News-სა და The Washington Post-ის, NBC News-სა და Wall Street Journal-ისა და ქვინიპეკის უნივერსიტეტის მიერ მიღებული მონაცემებით, ამერიკელთა მხოლოდ 41 პროცენტისთვისაა მისაღები დონალდ ტრამპის გაპრეზიდენტება, 52 პროცენტი კი უარყოფითად აფასებს.

ანა მებურიშვილი