კომენტარი

2017 წლის თბილისის ბიუჯეტში ადმინისტრაციული ხარჯები 16,1 მილიონით იქნება დაზოგილი - დავით ნარმანია

თბილისის მერმა დავით ნარმანიამ, 2017 წლის თბილისის ბიუჯეტის პრიორიტეტები დაასახელა.

დედაქალაქის მერმა სპეციალურ ბრიფინგზე 2017 წლის ბიუჯეტის პრიორიტეტები დაასახელა.
„ჩვენი ერთ-ერთი მთავარი პრიორიტეტი მომდევნო წელს იქნება მუნიციპალური ტრანსპორტის განვითარება. მეორე მნიშვნელოვანი პრიორიტეტი არის საგზაო იფრასტრუქტურის მოდერნიზაციის სამუშაოები, მშენებლობა. მესამე პრიორიტეტი იქნება გამწვანების ღონისძიებები, ასევე სკოლამდელი განათლება, ანუ საბაშვო ბაღების განვითარების ხელშეწყობა“,-განაცხადა ნარმანიამ.

მისი თქმით, 2017 წლის თბილისის ბიუჯეტში საპრემიო ფონდი 9,3 მილიონი ლარით შემცირდება.

„2017 წელს, ჯამში, 16,1 მილიონი ლარით იქნება ადმინისტრაციული ხარჯები დაზოგილი, მათ შორის საპრემიო ფონდი შემცირდება 9,3 მილიონი ლარით“,-აღნიშნა თბილისის მერმა.

2017 წლის თბილისის ბიუჯეტის პირველადი ვარიანტი მერიიდან საკრებულოში უკვე გადაიგზავნა.

კომისიებს და ფრაქციებს 10-დღიანი ვადა აქვთ მის გასაცნობად და შემდეგ შენიშვნების ჩამოსაყალიბებლად.

მონიკა დავლიანიძე