კომენტარი

2017 წლის თბილისის ბიუჯეტის პროექტს მხარს დიდი სიამოვნებით დავუჭერ - ალექსანდრე ელისაშვილი

თბილისის საკრებულოს დამოუკიდებელი დეპუტატი, ალექსანდრე ელისაშვილი, დედაქალაქის 2017 წლის ბიუჯეტის პროექტს მხარს დაუჭერს, თუ იგი ქალაქზე და ხალხზე იქნება ორიენტირებული.

ამის შესახებ ელისაშვილმა საკითხის კომენტირებისას მედიას განუცხადა.

„მე მხარს დავუჭერ, დიდი სიამოვნებით, თუ ის იქნება ქალაქზე და ხალხზე ორიენტირებული ბიუჯეტი და არ იქნება მხოლოდ მერიის ჩინოვნიკებზე და საკრებულოს დეპუტატების კეთილდღეობაზე ორიენტირებული, ვინაიდან ბოლო ორი წელია ასეთი ბიუჯეტი შემოდიოდა. ბიუჯეტის 12% იყო წარმომადგენლობითი ხარჯი,ანუ 90 მილიონი იყო ადმინისტრაციის შენახვის ხარჯი“,-აღნიშნა ელისაშვილმა.

დღეს, თბილისის საკრებულოში, 2017 წლის დედაქალაქის ბიუჯეტის პროექტი შევა.
ამ დროისთვის ცნობილია, რომ ბიუჯეტი მცირდება და იგო 800 მილიონ ლარით განისაზღვრა.

მონიკა დავლიანიძე