მსოფლიო

2017 წელს კონფლიქტურ ზონებში ბავშვთა მიმართ ძალადობა შემაშფოთებელ ნიშნულს მიაღწია - იუნისეფი

2017 წელს მსოფლიოს კონფლიქტურ ზონებში ბავშვებზე თავდასხმებმა შემაშფოთებელ ნიშნულს მიაღწია. ასეთი დასკვნა გამოიტანა გაეროს ბავშვთა ფონდმა.

იუნისეფის წლევანდელ ანგარიშში მითითებულია, რომ საკმაოდ გავრცელებულია ბავშვთა უფლებების დაცვისკენ მიმართული საერთაშორისო სამართლის უგულებელყოფის ფაქტები. ორგანიზაციის დირექტორის, მანუელ ფონტენის თქმით, ბავშვებს ესხმოდნენ თავს „სახლებში, სკოლებსა თუ სათამაშო მოედნებზე“. მან აღნიშნა , რომ ასეთი სისასტიკე „ახალი ნორმალურობა არ უნდა გახდეს“.

ანგარიშში გამოყოფილია რამდენიმე კონფლიქტური ზონა, რომლებშიც ბავშვები დაზარალდნენ:

ცენტრალური აფრიკის რესპუბლიკაში ბავშვებს კლავდნენ, აუპატიურებდნენ, იტაცებდნენ , ასევე ხდებოდა მათი გადაბირება შეიარაღებულ ჯგუფებში. ეს გამოწვეული იყო ქვეყანაში გაზრდილი ძალადობით.

ისლამისტმა მებრძოლებმა ბოკო ჰარამიდან ნიგერიისა და კამერუნის ჩრდილოეთ-აღმოსავლეთში სულ მცირე 135 ბავშვი გამოიყენეს თვითმკვლელ ტერორისტებად, რაც 5-ჯერ აღემატება 2016 წლის მაჩვენებელს.

მიანმარში როჰინჯას ეთნიკური ჯგუფის ბავშვები ძალადობის მსხვერპლი გახდნენ, როცა ისინი სახლიდან განდევნეს.

სამხრეთ სუდანში 19 000-ზე მეტი ბავშვი იყო გადაბირებული შეიარაღებულ ფორმირებებსა და დაჯგუფებებში.

იემენში სულ მცირე 5000 ბავშვი დაშავდა ან დაიღუპა იქ მიმდინარე საბრძოლო მოქმედებების შედეგად.

აღმოსავლეთ უკრაინაში 220 000 ბავშვი შესაძლო გახდეს ნაღმის ან ასაფეთქებელი მოწყობილობის მსხვერპლი, რომელიც ადგილზე დარჩა ომის შემდეგ.

იუნისეფმა მოუწოდა კონფლიქტის ყველა მხარეს, შეასრულოს თავისი ვალდებულებები და შეწყვიტოს ბავშვთა უფლებათა შელახვა. ანგარიშშია მითითებულია, რომ სახემწიფოებმა უნდა გამოიყენონ თავიანთი გავლენა კონფლიქტურ ძალებზე ბავშვების დასაცავად

ანა მებურიშვილი