მსოფლიო

2008 წელს სააკაშვილი საომარ პროვოკაციაში დამოუკიდებლად ჩაბმას ვერ გაბედავდა - ვლადიმირ პუტინი

რუსეთის პრეზიდენტის ვლადიმირ პუტინის განცხადებით, საქართველოს ექს-პრეზიდენტი მიხეილ სააკაშვილი, 2008 წელს ომის დაწყებას ვერ გაბედავდა, მის ზურგს უკან ვინმე რომ არ მდგარიყო.

ამის შესახებ პუტინმა რეჟისორ ოლივერ სტოუნის დოკუმენტურ ფილმში განაცხადა, რომლის პრემიერა ტელეარხ Showtime-ზე შედგა.

„არ ვარ 100%-ით დარწმუნებული, რომ ვიღაცამ მისი პროვოცირება მოახდინა, რომ ვიღაცამ უბიძგა, მის ზურგს უკან იდგა. მაგრამ, მეჩვენება, რომ ის არასდროს გაბედავდა დამოუკიდებლად ჩაბმულიყო ამ პროვოკაციაში. ასე მგონია. ყოველ შემთხვევაში, სააკაშვილი არავის შეუკავებია“,- განაცხადა რუსეთის ლიდერმა.

პუტინმა აღნიშნა, რომ რუსეთში გაუკვირდათ, როდესაც სააკაშვილის ქმედება „არათუ მხარდაჭერილი იყო, არამედ დასავლურმა მედიამ ყველაფერს აკეთებდა, რომ მომხდარი ისე წარმოეჩინათ, თითქოს რუსეთი დაესხა საქართელოს“.

„საკუთარ თვალებს და ყურებს არ ვუჯერებდი, როცა დასავლური მედია თავდასხმაში რუსეთს ადანაშაულებდა. და ყველაზე მთავარია, რომ ეს მილიონობით ადამიანმა დაიჯერა. ბატონმა სააკაშვილმაც, ხომ საჯაროდ განაცხადა, რომ მან უბრძანა ჯარს ეს აქცია დაეწყოთ“,-აღნიშნა პუტინმა.

მონიკა დავლიანიძე