კომენტარი

2-3 %-ით მაღალი აქტოვობა რომ ყოფილიყო, აუცილებლად მეორე ტური შედგებოდა- გია ხუხაშვილი

ექსპერტ გია ხუხაშვილისთვის, ადგილობრივ თვითმმართველობის არჩევნებზე დამდგარი შედეგი სიურპრიზი არ ყოფილა.

თუმცა, როგორც ხუხაშვილმა „არჩილ გამზარდიასთან ახალ ამბებში“ აღნიშნა, მეორე ტურის შანსი იყო.
მისივე თქმით, შედეგმაც სწორედ ეს აჩვენა, რომ ახალმა მერმა მეორე ტურის ზღვარზე გაიარა.

„ამის ერთ-ერთი გადამწყვეტი ფაქტორი იყო ის, რომ როგორც ყველა წინა ხელისუფლება, ეს ხელისუფლებაც ზღვარგადასულად იყენებდა ადმინისტრაციულ რესურსს და მეორე ფაქტორი იყო ის, რომ აქტივობა იყო დაბალი. ამ ორმა ფაქტორმა განაპირობა მეორე ტურის არარსებობა. წინა კვირას მქონდა ამაზე საუბარი, რომ მეორე ტური შედგებოდა იმ შემთხვევაში, თუ აქტივობა იქნებოდა 50%-დან ზემოთ.

ჩვენ უნდა გვესმოდეს, რომ ასე ვთქვათ, ფინალში გასულმა სახელისუფლებო პარტია და „ნაციონალური მოძრაობის“ ორივე მხარე, ორგანიზაციულ რესურსებს გადაჭარბებულად იყენებდნენ და აქტივობის ყოველი შემდეგი პროცენტი იქნებოდა არა მათ სასარგებლოდ. მათ თავიანთი მხარდამჭერების 100%-ის მობილიზება მოახერხეს.

მაგრამ, ყოველი შემდეგი ხმა უკვე იქნებოდა მესამე კანდიდატის, სავარაუდოდ, ყველაზე მეტად ალეკო ელისაშვილის.

ბუნებრივია, რომ 2-3 %-ით მაღალი აქტოვობა რომ ყოფილიყო, აუცილებლად მეორე ტური შედგებოდა, მაგრამ ამ აქტივობამ განაპირობა ის, რაც განაპირობა“,-განმარტა ხუხაშვილმა.

მონიკა დავლიანიძე