მსოფლიო

1 დაშავებული, 130-ზე მეტი დაზიანებული სახლი - მიწისძვრა აზერბაიჯანში

აზერბაიჯანში მომხდარმა ორმა მიწისძვრამ ნგრევა გამოიწვია. ინფორმაციას trend.az ავრცელებს.

აგდამის რაიონში 130-ზე მეტი საცხოვრებელი სახლი და ერთი სკოლა დააზიანა. ყველაზე მეტად დაზარალდა სოფელი ჩემენლი.

ბუნებრივი კატასტროფის გამო ტერტერის რაიონში სამი საცხოვრებელი სახლი და ერთი ფარდული განადგურდა. ამავე რაიონის სოფელ გაზიიანში მიწისძვრის შედეგად ერთი ადამიანი დაშავდა.

5.7. მაგნიტუდის სიმძლავრის მიწისძვრა აგდამის რაიონში გუშინ 23:48 საათზე დაფიქსირდა, მეორე 3 მაგნიტუდის სიმძლავრის მიწისძვრა ბარდინის რაიონში 16 ნოემბერს, ღამის 2:02 საათზე მოხდა.

ანა მებურიშვილი