რეგიონები

ზუგდიდის მერიასთან ფაროსანასგან დაზარალებულები აქციას მართავენ

ზუგდიდის მერიასთან ფაროსანასგან დაზარალებულები აქციას მართავენ.

აქცია „ნაციონალური მოძრაობის“ ორგანიზებით იმარტება.

აქციის მონაწილეებს შემდეგი შინაარსის პლაკატი უჭირავთ: „მოვითხოვთ კომპენსაციას“.

„ფაროსანამ ყველაფერი შეჭამა, გადახრა და დაგვტოვა მშივრები. აქ იმიტომ ვართ, რომ გვინდა მთავრობას მივაწვდინოთ ხმა, ვითხოვთ ზარალის ანაზღაურებას“, - ამბობენ აქციის მონაწილეები.

აქციის მონაწილეებმა პროტესტის ნიშნად ქუჩა გადაკეტეს.

ადგილზე პარტიის პოლიტიკური საბჭოს მდივანი ნიკა მელიაც იმყოფება, რომელიც ხელისუფლებას რეაგირებას სთხოვს.

„ნაციონალური მოძრაობის“ ზუგდიდის ორგანიზაციის თავმჯდომარის ანა წითლიძის თქმით, გამაფრთხილებელი აქცია არაერთხელ გაიმართა, მაგრამ მთავრობამ ყურად არ იღო მოსახლეობის პრობლემა.

„ბევრჯერ გაიმართა აქციები, სადაც ვითხოვდით ჯერ ზარალის აღრიცხვას, შემდეგ კი კომპენსაციებს. ჩვენ კიდევ ველოდებით ხალხს სხვადსახვა სოფლებიდან“,- განაცხადა ანა წითლიძემ.

მონიკა დავლიანიძე