რეგიონები

ზუგდიდის ხელისუფლება ჩაიძირა კორუფციის ჭაობში - კახა მიქაია

ზუგდიდის ხელისუფლება ჩაიძირა კორუფციის ჭაობში - აცხადებს „დაიცავი საქართველოს,“ ერთ-ერთი დამფუძნებელი კახა მიქაია.

მისი თქმით, იმ ჩანაწერში, რომელიც მან „რუსთავი2“-ს გადასცა, ცალსახად იკვეთება ადგილობრივი ხელისუფლების კორუფციული გარიგების კვალი.

მიქაიას განცხადებით, მას შემდეგ, რაც ხელისუფლებამ შეიტყო, რომ ჩანაწერი „შაბათის კურიერში“ გავიდოდა, ლაშა გოგია თანამდებობიდან მოხსნა. მიქაია ფიქრობს, რომ პოლიტიკური პასუხისმგებლობის დაკისრება საკმარისი არ არის.

მისი თქმით, ჩანაწერის ეთერში გასვლის შემდეგ, სამართალდამცველმა ორგანოებმა გამოძიება უნდა დაიწყონ და ზუგდიდის უკვე ყოფილი მერის, ყოფილი გუბერნატორი ლევან შონია, ვიცე- მერი გიორგი გულორდავასთან ერთად სისხლის სამართლის პასუხისგებაში უნდა მიეცნენ.

„ფაქტები, რომელიც იმ ჩანაწერშია და მე წარვუდგინე "შაბათის კურიერის" ჯგუფს ნათლად მეტყველებს ერთ რამეზე, რომ ზუგდიდის ხელისუფლება ჩაიძირა კორუფციის ჭაობში.

ხელისუფლება იძულებული იყო, რომ გადაეყენებინა ზუგდიდის მერი, მაგრამ ვფიქრობ, ეს არის საკმარისი. ჩანაწერში მოცემული ფაქტები იძლევა მყარ საფუძველს,რომ ზუგდიდის მერის, ვიცე მერის, ყოფილი გუბერნატორის წინააღმდეგ აღიძრას სისხლის სამართლის საქმე.

გოგიას, შონიას, გულორდავას, შევარდნაძისა და სააკაშვილის ყოფილი ხელისუფლების წევრებისა და დღეს უკვე „ოცნებაში“ პორტირებულების დანაშაულებებზე მხოლოდ მე არ ვსაუბრობდი, ამაზე საუბრობდა მთელი ზუგდიდი. დღეს უკვე დადგა დრო ხელისუფლებამ მიიღოს გადაწყვეტილება და ამ პირების მიმართ აღძრას სისხლის სამართლის საქმე“, - ამბობს კახა მიქაია.