მოზაიკა

ზოგიერთ რაიონში ხვალ თოვას და ყინვას ელიან

სინოპტიკოსები საქართველოს უმეტეს რაიონში ხვალისთვის ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოს უმეტეს რაიონში დღის ბოლოს ნალექია მოსალოდნელი, მთაში თოვლის სახით. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +2, +7; მთაში -1, +4; მაღალ მთაში -5, 0 გრადუსი.

აღმოსავლეთ საქართველოს ზოგიერთ რაიონში ნალექია ნავარაუდევი, უმეტესად თოვლის სახით. მაღალ მთაში მოსალოდნელია ქარბუქი. იქროლებს დასავლეთის ქარი 10-15 მეტრი/წამში, დღის პირველ ნახევარში ზოგან ძლიერი 17-22 მეტრი/წამში. ჰაერის ტემპერატურა იქნება: +1, +6; მთაში -1, +4; მაღალ მთაში -7, -2 გრადუსი.

თბილისში უმეტესად უნალექო ამინდია ნავარაუდევი. იქროლებს ჩრდილო-დასავლეთის ქარი 10-15 მეტრი/წამში, დღის პირველ ნახევარში ზოგან ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +6 გრადუსი იქნება.

ნინო ექვთიმიშვილი