მოზაიკა

ზოგიერთ რაიონში ხვალ მცირე წვიმას ელიან

სინოპტიკოსები საქართველოს ზოგიერთ რაიონში ხვალისთვის ხანმოკლე წვიმას პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. იქროლებს ცვალებადი მიმართულების ქარი 8-13 მეტრი/წამში. ჰაერის მოსალოდნელი ტემპერატურაა: დაბლობში +20, +25; მთაში +18, +23; მაღალ მთაში +14, +19 გრადუსი.

დღის მეორე ნახევრიდან ხანმოკლე წვიმას და ელჭექს ელიან აღმოსავლეთ საქართველოს ზოგიერთ რაიონში. ზოგან კი შესაძლებელია სეტყვაც. იქროლებს დასავლეთის ქარი 8-13 მეტრი/წამში. ჰაერის ტემპერატურა იქნება: დაბლობში +21, +27; მთაში +17, +22; მაღალ მთაში +8, +13 (ზოგან +18-მდე) გრადუსი.

თბილისში დღის მეორე ნახევრიდან ხანმოკლე წვიმა და ელჭექია მოსალოდნელი. იქროლებს ჩრდილო-დასავლეთის ქარი 8-13 მეტრი/წამში. ჰაერის მაქსიმალური ტემპერატურა კი, დედაქალაქში +25 გრადუსი იქნება.