მოზაიკა

ზოგიერთ რაიონში დღეს ნალექიან ამინდს ელიან

სინოპტიკოსები საქართველოს ზოგიერთ რაიონში დღეისთვის ნალექს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს ზოგიერთ რაიონში წვიმაა მოსალოდნელი, მაღალ მთაში თოვლი. იქროლებს ცვალებადი მიმართულების ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +8, +13; მთაში +3, +8; მაღალ მთაში -2, +3 გრადუსი.

აღმოსავლეთ საქართველოს ზოგიერთ რაიონში მცირე ნალექია ნავარაუდევი, მთაში თოვლის სახით. იქროლებს დასავლეთის ქარი 10-15 მეტრი/წამში, დღის პირველ ნახევარში ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +5, +10; მთაში +3, +8; მაღალ მთაში -3, +2 გრადუსი.

თბილისში უმეტესად უნალექო ამინდია მოსალოდნელი. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი დედაქალაქში +9 გრადუსი იქნება.