მოზაიკა

ზოგიერთ რაიონში დღეს მცირე წვიმას ელიან

სინოპტიკოსები საქართველოს ზოგიერთ რაიონში დღეისთვის ხანმოკლე წვიმას პროგნოზირებენ.

გარემოს დაცვის ეროვნული სააგენტოს ინფორმაციით, დასავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +17, +22; მთაში +13, +18; მაღალ მთაში +10, +15 გრადუსი.

ხანმოკლე წვიმას ვარაუდობენ აღმოსავლეთ საქართველოს ზოგიერთ რაიონშიც. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +18, +23; მთაში +13, +18; მაღალ მთაში +8, +13 (ზოგან +17-მდე) გრადუსი.

თბილისში დღის მეორე ნახევრიდან მოსალოდნელია ხანმოკლე წვიმა ელჭექით. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი დედაქალაქში +22 გრადუსი იქნება.