მოზაიკა

ზოგიერთ რაიონში დღეს მცირე ნალექს ელიან

სინოპტიკოსები 1 აგვისტოსთვის საქართველოს ზოგიერთ რაიონში ხანმოკლე წვიმას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. იქროლებს დასავლეთის ქარი 8-13 მეტრი/წამში. ჰაერის მოსალოდნელი ტემპერატურაა: დაბლობში +28, +33; მთაში +25, +30; მაღალ მთაში +22, +27 გრადუსი.

ხანმოკლე წვიმა და ელჭექია ნავარაუდევი აღმოსავლეთ საქართველოს ზოგიერთ რაიონშიც. იქროლებს დასავლეთის ქარი 8-13 მეტრი/წამში. ჰაერის ტემპერატურა იქნება: დაბლობში +32, +37; მთაში +27, +32; მაღალ მთაში +23, +28 გრადუსი.

თბილისში დღე უმეტესად უნალექოდ ჩაივლის. იქროლებს ჩრდილო-დასავლეთის ქარი 8-13 მეტრი/წამში. ჰაერის ტეპერატურა კი, დედაქალაქში +36 გრადუსს მიაღწევს.

ნინო ექვთიმიშვილი