მოზაიკა

ზოგიერთ მთიან რაიონში ხვალ თოვას და ყინვას ელიან

სინოპტიკოსები საქართველოს ზოგიერთ რაიონში ხვალისთვის ნალექიან ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოში ღრუბლიანი ამინდია მოსალოდნელი. ზოგიერთ რაიონში იწვიმებს, მთაში კი მოთოვს. იქროლებს დასავლეთის ქარი 8-13 მეტრი/წამში. ჰაერის მოსალოდნელი ტემპერატურაა: დაბლობში +5, +10; მთაში 0, +5; მაღალ მთაში -6, -1 გრადუსი.

აღმოსავლეთ საქართველოს ზოგიერთ რაიონში ნალექია ნავარაუდევი, მთაში თოვლის სახით. იქროლებს დასავლეთის ქარი 9-14 მეტრი/წამში. ჰაერის ტემპერატურა იქნება: დაბლობში +3, +8; მთაში -3, +2; მაღალ მთაში -8, +-3 გრადუსი.

თბილისში დღის ბოლოს შესაძლებელაი მცირე წვიმა. იქროლებს ჩრდილო-დასავლეთის ქარი 7-12 მეტრი/წამში. ჰაერის მაქსიმალური ტემპერატურა კი, დედაქალაქში +7 გრადუსი იქნება.