მოზაიკა

ზოგიერთ მთიან რაიონში დღეს თოვას ელიან

სინოპტიკოსები საქართველოს ზოგიერთ რაიონში დღეისთვის ნალექიან ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს ზოგიერთ ჩრდილო მთიან რაიონში ნალექია მოსალოდნელი, მაღალ მთაში თოვლის სახით. დაუბერავს სუსტი ქარი. ჰაერის მოსალოდნელი ტემპერატურაა: დაბლობში +10, +15; მთაში +3, +8; მაღალ მთაში -3, +2 გრადუსი.

აღმოსავლეთ საქართველოს ზოგიერთ რაიონში ნალექია ნავარაუდევი. დაუბერავს სუსტი ქარი. ჰაერის ტემპერატურა იქნება: დაბლობში +6, +11; მთაში +2, +7; მაღალ მთაში -5, 0 გრადუსი.

თბილისში დღე უმეტესად უნალექოდ ჩაივლის. დაუბერავს სუსტი ქარი. ჰაერის მაქსიმალური ტემპერატურა კი, დედაქალაქში +8 გრადუსი იქნება.