მოზაიკა

უმეტეს რაიონში ხვალ თოვას ელიან

სინოპტიკოსები საქართველოს უმეტეს რაიონში ხვალისთვის ნალექიან ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს უმეტეს რაიონში ნალექია მოსალოდნელი უმეტესად თოვლის სახით. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +2, +7; მთაში -3, +2; მაღალ მთაში -5, 0 გრადუსი.

აღმოსავლეთ საქართველოს ზოგიერთ რაიონში თოვლია ნავარაუდევი. მაღალ მთაში მოსალოდნელია ქარბუქი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +1, +6; მთაში -2, +3; მაღალ მთაში -7, -2 გრადუსი.

თბილისში თოვლ-ჭყაპია მოსალოდნელი. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 17-22 მეტრი/წამში. ჰაერის ტემპერატურა იქნება +6 გრადუსი.